Walt Disney

Dr Walter Elias „Walt“ Disney (* 5. Dezämber 1901 z Chicago, Illinois; † 15. Dezämber 1966 z Los Angeles, Kalifornie) isch en amerikanische Filmbroduzänt gsi. Er het under anderem Naturfilm broduziert und Zäichedrickfiguure erfunde. Mit sine Figuure, Film und Themepark isch er e Persoon gsi, wo d Kultuur vom 20. Joorhundert brägt het wie weenig anderi. Er het mee as 800 Uszäichnige und Eerige überchoo, drunder 26 Oscar.